Latur |Bedhadak awaj लातूर महानगरपालिकेची निवडणूक जसजशी जवळ येत आहे, तसतशी राजकीय गणिते बदलत आहेत. विशेषतः प्रभाग क्रमांक १५ मधून भारतीय जनता पार्टीकडून निवडणूक लढवणाऱ्या प्रेरणा होनराव या नावाची चर्चा आता केवळ पक्षापुरती मर्यादित राहिलेली नाही.
प्रेरणा होनराव या भाजपमध्ये केवळ नावापुरत्या कार्यकर्त्या नाहीत. त्या भाजप महिला आघाडीतील सक्रिय पदाधिकारी असून, संघटनात्मक कामातून वर आलेला चेहरा म्हणून ओळखल्या जातात. पक्षसंघटना, आंदोलने, निवेदनं, मोर्चे आणि स्थानिक प्रश्नांवर प्रशासनाला घेरण्याची भूमिका हे त्यांचे राजकारण कागदावर नाही, तर रस्त्यावर उतरलेले आहे.
महानगरपालिकेतील गैरकारभार असो, प्रभागातील पाणी, रस्ते, स्वच्छता, ड्रेनेजचे प्रश्न असोत किंवा महिलांशी संबंधित समस्या प्रेरणा होनराव यांनी नेहमीच थेट भूमिका घेतली. “गप्प बसणं हा पर्याय नाही” ही त्यांची ओळख आहे. त्यामुळेच त्या काहींसाठी अस्वस्थ करणारा आवाज ठरल्या, तर सामान्य नागरिकांसाठी आशेचा किरण बनल्या.
निवडणूक जवळ आली की दिसणारे चेहरे आणि पाच वर्षे गायब राहणारे नगरसेवक लातूरकरांनी पुरेसे पाहिले आहेत. त्या पार्श्वभूमीवर प्रेरणा होनराव यांची उमेदवारी ही निवडणूकपुरती सक्रियता नसून सातत्यपूर्ण संघर्षाचा पुढचा टप्पा असल्याचं त्यांच्या समर्थकांचं म्हणणं आहे.
प्रभाग १५ हा प्रश्नांचा प्रभाग आहे. येथे केवळ आश्वासनांवर चालणारं राजकारण टिकणार नाही, हे वास्तव प्रेरणा होनराव जाणून आहेत. म्हणूनच त्यांचा प्रचारही चमकदार घोषणांपेक्षा थेट संवाद, अनुभव आणि प्रश्नांची स्पष्ट मांडणी यावर आधारित आहे.
भाजपच्या संघटनेत काम करत असताना त्यांनी पक्षाची भूमिका मांडली, पण गरज पडली तेव्हा पक्षांतर्गतही मुद्देसूद मत मांडण्याचं धाडस त्यांनी दाखवलं. हीच बाब त्यांना इतरांपेक्षा वेगळं स्थान देते.
आज त्या प्रभाग १५ मधून निवडणूक लढवत आहेत, म्हणजे ही लढत केवळ सत्ता मिळवण्याची नाही.
ही लढत आहे.काम करणाऱ्या कार्यकर्त्याला संधी देण्याची, आणि निर्भीड आवाजाला नगरपालिकेत पाठवण्याची.
प्रभाग १५ मधील ही निवडणूक शांत नाही.
ती प्रश्न विचारणारी आहे.ती ठाम आहे.आणि म्हणूनच, प्रेरणा होनराव यांची ही राजकीय खेळी लातूरच्या स्थानिक राजकारणात लक्ष वेधणारी ठरते आहे.
